KAWIKAAN 20

Ang alak ay nagpapababa sa dangal ng isang tao, kaya isang kamangmangan ang magpakalulong dito.

Mga Kawikaan 20:1 RTPV05

Ang poot ng hari ay parang leong umuungal, ang gumalit sa kanya'y nanganganib ang buhay.

Mga Kawikaan 20:2 RTPV05

Ang marangal na tao'y umiiwas sa kaguluhan, ngunit ang gusto ng mangmang ay laging pag-aaway.

Mga Kawikaan 20:3 RTPV05

Ang taong tamad sa panahon ng taniman ay walang magagapas pagdating ng anihan.

Mga Kawikaan 20:4 RTPV05

Tulad ng tubig na malalim ang isipan ng isang tao, ngunit ito'y matatarok ng isang matalino.

Mga Kawikaan 20:5 RTPV05

Sinasabi ng bawat isa na siya ay tapat, ngunit kahit kanino sa kanila'y hindi ka nakakatiyak.

Mga Kawikaan 20:6 RTPV05



Kung ang isang ama'y namumuhay sa katuwiran, mapalad ang mga anak na siya ang tinutularan.

Mga Kawikaan 20:7 RTPV05




Sa pagluklok ng hari upang igawad ang kahatulan, walang matatagong anumang kasamaan.

Mga Kawikaan 20:8 RTPV05



Sino ang makakapagsabi na ang puso niya'y malinis at di namuhay sa kasamaan kahit isang saglit?

Mga Kawikaan 20:9 RTPV05



Ang mandarayang timbangan at mandarayang sukatan, kay Yahweh ay parehong kasuklam-suklam.

Mga Kawikaan 20:10 RTPV05


Kahit ang bata ay makikilala sa kanyang mga gawa; makikita sa kanyang kilos kung siya ay tapat nga.

Mga Kawikaan 20:11 RTPV05



Ang taingang nakakarinig at matang nakakakita, parehong si Yahweh ang siyang maylikha.

Mga Kawikaan 20:12 RTPV05


Matulog ka nang matulog at ika'y maghihirap, ngunit maganda ang iyong bukas kung ika'y magsisikap.

Mga Kawikaan 20:13 RTPV05




Ang sabi ng mamimili, “Ang presyo mo'y ubod taas.” Ngunit pagtalikod ay ipinamamalitang nakabarat.

Mga Kawikaan 20:14 RTPV05







Ang taong nakakaalam ng kanyang sinasabi, daig pa ang may ginto at alahas na marami.

Mga Kawikaan 20:15 RTPV05



Ang sinumang nananagot sa utang ng iba, dapat kunan ng ari-arian bilang garantiya.

Mga Kawikaan 20:16 RTPV05


Anumang nakuha sa pandaraya ay parang masarap na pagkain, ngunit kapag tumagal ay para kang kumain ng buhangin.

Mga Kawikaan 20:17 RTPV05




Ang mabuting payo ay kailangan para magtagumpay; kung hindi ka handa huwag nang pumalaot sa labanan.

Mga Kawikaan 20:18 RTPV05







Ang lihim ay nahahayag dahil sa mga tsismis, kaya huwag kang makisama sa taong makati ang dila.

Mga Kawikaan 20:19 RTPV05




Sinumang magmura sa kanyang magulang, parang ilaw na walang ningas ang wakas ng kanyang buhay.

Mga Kawikaan 20:20 RTPV05






Ang perang hindi pinaghirapan, kung gastusin ay walang hinayang.

Mga Kawikaan 20:21 RTPV05



Huwag mong gantihan ng masama ang masama; tutulungan ka ni Yahweh, sa kanya ka magtiwala.

Mga Kawikaan 20:22 RTPV05








Si Yahweh ay napopoot sa panukat na di tama, siya ay namumuhi sa timbangang may daya.

Mga Kawikaan 20:23 RTPV05









Si Yahweh lamang ang nagtatakda ng ating landasin; kaya huwag ipagyabang ang iyong lakbayin.

Mga Kawikaan 20:24 RTPV05







Bago mangako sa Diyos ay isiping mabuti, upang hindi ka magsisi sa bandang huli.

Mga Kawikaan 20:25 RTPV05